O 1% dos europeos ten unha mutación xenética que lles fai inmunes ao VIH. Un consorcio formado por 4 entidades académicas e empresas busca reproducir a mutación en células de persoas con VIH.
Na primeira fase do proxecto, liderada polo CSIC, utilizaranse os últimos avances en edición xenómica desenvolvidos e patentados por algúns dos membros do consorcio, e bautizados como GURAIZEAK®, para modificar in vitro os linfocitos T CD4 de persoas infectadas polo VIH, impedindo así que expresen a proteína. Os científicos xa demostraron en estudos anteriores que esta proteína pode ser manipulada sen prexuízo para o paciente, xa que non é necesaria para a supervivencia da célula.
A infusión posterior destas células modificadas permitiría ao paciente contar cunha certa porcentaxe de linfocitos T CD4+ resistentes ao VIH. Con todo, a porcentaxe de células resistentes podería mellorarse partindo de células nai hematológicas. Por este motivo, a segunda fase do proxecto consistirá en illar células nai do propio paciente, inactivar o xen e transferilas de novo ao paciente. É o que se coñece como transplante autólogo, en que doante e receptor son a mesma persoa. Os científicos confían en que desta forma poderíase conseguir un sistema inmunitario resistente ao VIH de forma permanente.
Daniel Bacharel, científico do CISC e impulsor do proxecto explicou nunha entrevista o procedemento que seguirán nesta investigación, que nace cun prazo de tres anos e prevé realizar estudos in vitro en animais. A xuízo de Bacharel, "cando todas estas metodoloxías de edición xenómica pasen á práctica clínica van servir para curar enfermidades que agora non teñen curación".
Ningún comentario:
Publicar un comentario